La fortune e à tocjât i furlans dome cuntun sfris parcè che nissun dai premis plui impuartants de Lotarie Italie a son stâts cjapâts inte nestre regjon. Nancje i premis di seconde categorie, chei di 100 mil euros. Dut câs a son stâts cuatri i biliets che a àn puartât cualchi becin in Friûl-Vignesie Julie. Un di 50 mil euros al è stât vendût a Monfalcon serie S182139. Altris trê biliets a son stâts vendûts in Friûl e a valin 20 mil euros ognidun. Un vendût a Gonârs serie O026883, un a Feagne, serie S293307, e l’ultin a Mueç, serie A270577.
Si è tratât di pôcs premis a pet de cressite fuarte in regjon, indulà che a son stâts vendûts 113.600 biliets, cuntune cressite dal 23% a pet dal 2023, cun Triest che e à fat segnâ il plui 31% des venditis. (a.d.g.) – 07.01.2025
