A son stâts judicâts inovatîfs e che a son significâts i risultâts dal studi, inviât dal Consorzi dal Montasio in colaborazion cu la Universitât dai Studis dal Friûl, pal ûs di gnûfs materiâi pal confezionament dal formadi Montasio Dop che a garantissin il mantigniment dal arome e la integritât dal prodot ridusint l’impat ambientâl dal confezionament.
Chescj risultâts che a àn permetût di ricevi il ricognossiment de bande di Aitel – Associazion Taliane Tecnics dal Lat dilunc di un congrès dedicât resint aes sfidis che la filiere dal lat e dai siei derivâts al à di frontâ par rispuindi aes esigjencis di un sisteme agroalimentâr sostignibil. Il lavôr al è stât premiât dal public in sale, componût di ricercjadôrs dal setôr dal lat caseari e di rapresentants de industrie.
Il studi al è stât puartât indevant di Niccolò Renoldi e di Sonia Calligaris, Anna Ros, Marilena Marin e Nadia Innocente de Universitât dal Friûl. (a.d.g.) – 13.11.2023
