Storiis di svol in vile pai 100 agns de Aeronautiche militâr

Joibe ai 15 aes 6.30 dal dopomisdì a Vile de Claricini Dornpacher al tache un gnûf cicli di incuintris dedicâts ai libris e ae storie de nestre Regjon, in colaborazion cun Aviani e Aviani Editore. Sîs i apontaments in program fint a Setembar, inte vile storiche di Butinins di Muimans, cun jentrade libare (regjistrazion su visit.declaricini.it). I prins trê, ai 15, 22 e ai 29 di Jugn, a saran dedicâts ae storie dal svol in Friûl-Vignesie Julie in ocasion dai 100 agns di costituzion de Aeronautiche militâr. Al coordenarà lis cunvignis un grant apassionât e specialist de materie, Roberto Bassi, che al segnarà lis liniis essenziâls dai prins svoi inte nestre regjon, scomençâts fintremai dal 1784! (A.I.) – 13.06.2023