Pe prime volte in Italie une mostre storiche sui popui de Istrie

Realizade de Comunitât cravuate di Triest intune cul Museu archeologjic de Istrie, si vierç a Triest intes salis dal Museu “Winckelmann” la mostre “Histri in Istria”. Pe prime volte in Italie, a saran esponûts plui di 200 reperts archeologjics par contâ storie, usancis e costums dai Istris. La mostre e je un viaç ae riscuvierte dal popul che al à dât il non ae penisule istriane e che al à abitât lis tieris fint a cuant che al è colât il centri fortificât di Nesazio, intal 177 p.d.C. La mostre e sarà vierte al public di vinars ai 15 di Dicembar fint al prin Avrîl dal 2024, di martars a domenie. (A.I.) – 14.12.2023

Foto di M. Prodan