Lis fortificazions dai alpins contadis intun libri

Presentât a Udin, inte sede dal Comant de Brigata Alpina Julia, te suaze dal setantesim cuint aniversari de sô costituzion, il libri “La Fortezza degli Alpini, gli sbarramenti della fortificazione permanente 1950–1992”, scrit in colaborazion cul Ufficio Storico dello Stato Maggiore Esercito.

Ae presince des autoritâts civîls e militârs de citât, daspò dai salûts dal comandant de Julia, il gjenerâl Franco Del Favaro, a àn presentât il libri i doi autôrs Matteo Chiaruttini e Filippo Cappellano. Il volum al è dal sigûr la opare plui complete su lis fortificazions alpinis e si fonde sul studi di dute la documentazion tignude intai archivis publics talians. (a.d.g.) – 16.04.2024