Lis celebrazions par Pasolini a tachin di Rome

Lunis ai 126 di Mai, il Teatri dal Lît di Ostia, dongje Rome, al darà acet ae prime cunvigne nazionâl inmaneade pai cincuante agns de muart di Pier Paolo Pasolini, “Un poeta che non muore” (Un poete che nol mûr). Ideât di Maura Locantore e Angelo Fàvaro, l’event al è un moment centrâl par rifleti su la ereditât culturâl di un dai inteletuâi plui influents dal Nûfcent. La cunvigne e je nassude in sinergjie jenfri il comitât nazionâl pal centenari di Pasolini, il Centri studis di Cjasarse e l’Assessorât ae culture di Rome, che e à sielt propit Ostia, il lûc là che il poete al fo sassinât. La iniziative si sierarà ai 2 e ai 3 di Novembar – i dîs de muart, cincuante agns indaûr – propit a Cjasarse. (A.I.) – 24.05.2025