La vile di Butinins e scree un gnûf progjet di valorizazion

Daspò dai lavôrs di ricualificazion tal zardin e dutis lis parts verdis, la vile de Claricini Dornpacher a Butinins di Muimans e torne a vierzisi al public par doi events te suaze dal progjet eruropean “Cherry”, storiis di sunôrs, colôrs, parcs e zardins. Il prin apontament al è sabide ai 23: la scree di une gnove opare di art di Massimo Clemente, fate a pueste pai zardins de Vile par invidâ cui che al passe a fermâsi a cjalâ il timp che o sin daûr a traviersâ. Domenie ai 31, il zardin al darà acet al conciert di Maria Giovanna Michelini e Paolo Chiarandini par cure de academie di studis di piano “Antonio Ricci” di Udin, che e fâs part dal progjet. (A.I.) – 21.08.2025