La bale tal zei di Udin fint in Americhe

Par une serade, il basket al deventarà il protagonist di une cunvigne cul storic gjornalist sportîf Sergio Tavčar e Michele Antonutti, ambassadôr de marche pe scuadre di bale tal zei de APU di Udin e za cjapitani de scuadre furlane. L’event, inmaneade di Bottega Errante in colaborazion cu la APU, al sarà une anteprime di “Connessioni. Dialoghi in giardino” (Conessions. Dialics tal zardin), la rassegne inmaneade cul supuart dal Comun di Udin, che e torne ancje chest an par dâ vite al Istât in citât cun incuintris e dialics che a instrecin culturis, storiis e visions. Joibe ai 11 aes 8 e mieze sot sere, tal curtîl dal palaç Morpurgo a Udin, e sarà une serade speciâl dedicade a un dai sports plui preseâts de regjon, la bale tal zei, cjapant dentri une vision plui grande che e rive fint al sport tai paîs dal Est e al model american de NBA. Al centri a son propit i stes temis esplorâts tai libris di Sergio Tavčar, che vie pai agns al à savût contâ dome il zûc, ma ancje i cambiaments sociâi, culturâi e politics che lu àn traviersât. (A.I.) – 09.06.2026