La aghe par studiâ i teritoris instabii

E torne a tacâ in Mai la edizion aviertane de rassegne “Storiis scritis su la aghe”, rivade ae sô decime seste edizion. La iniziative, curade di Paolo Polli, si tignarà dai 3 ai 31 di Mai inte sede de Leghe navâl sezion taliane di Monfalcon. Ogni incuintri si sierarà cuntune cerce di vins des aziendis vitiviniculis Ca’ Tullio e Vigneti Conte. Si tache cu la presentazion dal libri “Geografie d’acqua: paesaggi ibridi” (Gjeografiis di aghe: paisaçs ibrits) di Francesco Visentin, docent de Universitât dal Friûl. La aghe e ven interpretade tant che une lint che e permet di studiâ la instabilitât dai teritoris e dai siei abitants, umans e no. (A.I.) – 02.05.2024