Inte Basse e je ancjemò Fieste de Patrie

Ultins apontaments pe Fieste de Patrie dal Friûl inte Basse, inmaneade dai Comuns di Cjarlins, Gonârs, Muçane, Porpêt, Prissinins e S. Zorç di Noiâr, ancje cul finanziament de ARLeF – Agjenzie Regjonâl pe Lenghe Furlane e in colaborazion cu la Societât Filologjiche Furlane. Joibe ai 10, aes 8 e mieze, intal centri civic di Prissinins si larà ae scuvierte dai mudaments de Basse vie pai agns Setante, in gracie de presentazion e conciert di “Gli anni di Camel Suite” di Stefano Montello (Forum) cu la musiche di Flavio Zanier (piano) e Cristina Mauro (vôs) dai FLK. La storie e sarà protagoniste ancje vinars ai 11, aes 6 e mieze di sere, inte sale consiliâr di Cjarlins, cul incuintri cun Walter Tomada e il so “Friulani eretici” (Biblioteca dell’Immagine), in dialic cun Diego Navarria e cui intervai musicâi di “I Bardi”. (A.I.) – 09.04.2025