Imagjins e sunôrs a la salût di Pasolini!

Imerzisi intai pinsîrs e intes sugjestions dal Pasolini plui intim, ma ancje dal scritôr, dal regjist, dal inteletuâl, cuntun voli politic su la Italie. E je la ocasion ufierte al public de instalazion “Fading Pasolini – Caos in dissolvenza”, che La Contrada e dediche al Teatro dai Fabbri di Triest dai 9 ai 12 di Mai, ogni dì des 5 dal dopomisdì, a jentrade libare. La instalazion, ideade di Mario Bobbio e Enza De Rose, e je une esperience uniche, tra ecos sonôrs e proiezions interativis, par cori daûr aspiets e contradizions de vite e de personalitât dal autôr. Ogni dì si tignarà ancje “l’aperitîf Pasolini”: un apontament fis, ufiert in onôr dal grant poete. (A.I.) – 08.05.2023