Il timp des bufulis e cemût cjatâlis

Cuatri apontaments par cirî di capî se lis gnovis a son bufulis e di cuant che a esistin. E je la anteprime de cuarte edizion dal “Fake News Festival”, inmaneât de associazion Prisma APS cu la poie di Regjon F-Vj, Fondazione Friuli e une vore di altris ents, che si fasarà a Udin dai 13 ai 16 di Novembar, cuntun program che al messede atualitât, gjornalisim, storie e culture ‘pop’. Prime di chel, cuatri seradis a Roncjis di Monfalcon, Pordenon, Cormons e Cjampfuarmit, ma sabide ai 25 tal “Città Fiera” di Torean di Martignà si fevelarà za di “fake news”, ven a stâi lis bufulis, al cine e sui “social” in rêt. (A.I.) – 24.10.2025