Il Tiliment contât intun documentari

Inte Sale consiliâr dal Comun di Cjamin di Codroip, inte suaze de decime cuinte “Zornade ecologjiche”, martars ai 18 aes 8.30 di sere al vignarà proietât il documentari “Di qua e di là dell’acqua” (Di ca e di là da la aghe) di Bruna Braidotti e Maurizio Caldana, par cure de Compagnie di Arti&Mestieri di Pordenon. Il documentari al trate contignûts e storiis nassûts su lis rivis dal Tiliment, il confin naturâl fra dôs areis de regjon, che intes diviersis epochis a àn vût storiis diferentis e a àn disvilupât carateristichis culturâls e linguistichis diferentis, tant che la çampe e la diestre dal Tiliment a vegnin propit identificadis intal lengaç popolâr “di ca e di là” da la aghe. (A.I.) – 17.03.2025