Il cine dal passât intune strambe stanzie des maraveis

Piçui spielis e calendaris, cjartutis di spagnolets, figurinis, cjartis di zûc, vintulinis, ma ancje diaris, botons e cetant altri: a son lis robis che a compagnin la grande machine dal cine mondial dal principi, mostrant lis musis di atôrs innomenâts e fi atoris innomenadis: Greta Garbo, Ava Gardner, Gloria Swanson… Une selezion di robutis svoladis che a vegnin de colezion privade di Silvia Moras e je stade sielte pe seconde mostre “a teme” tai spazis di esposizion di cjase “Zanussi” a Pordenon, “Alla (ri)scoperta del cinema effimero: le stanze delle meraviglie”. Cheste cjamare des maraveiss de setime art e sarà screade sabide ai 7 di Jugn te Galarie “Sagittaria” La mostre numar 507 de galarie, curade de stesse Silvia Moras cul coordenament di Fulvio Dell’Agnese si podarà viodi fint ai 6 di Setembar: e sarà une sorte di machine dal timp fate di ogjets stramps che dispès a àn plui di cent agns! (A.I.) – 06.06.2025