Cancelât par corot a Cormons il festival dai confins

E je stade cancelade par corot, daspò de montane di domenie di gnot e la lavine di aghe e pantan che e à copât dôs personis a Breçan, la tierce edizion di “Il mondo fuori” (Il Mont fûr), inmaneât dal comun di Cormons cu la cure artistiche di Luana de Francisco, che e veve metût adun un mosaic di esperiencis e tradizions “cussì fuartis di rivâ di là dal ôr e di abitâ la frontiere tant che un spazi vîf”. Par fevelâ di storiis di confin dal passât e dal dì di vuê, di joibe ai 20 e fint a sabide ai 22 di Novembar. (A.I.) – 19.11.2025