Art furlane “a brene vierte”

Miercus ai 21 aes 6 fi dopomisdì, te Galarie regjonâl di Art contemporanie “L. Spazzapan” di Gardiscje al è in program “A brene vierte”, un progjet artistic unic e origjinâl, no dome tal panorame regjonâl, inmaneât te suaze dal program “Avostanis” dai Colonos di Vilecjaze di Listize. Il progjet al ties la dimension coletive, la rigjenerazion coletive dal “scart”, la capacitâ di colaborazion e di scolte dal lûc, la convivialitât, il verdet popolâr insindicabil. Par chest, ogni edizion e je stade compagnade di un video che al documente la progjetualitât e il divignî des diferentis fasis te realizazion des oparis midiant da la testemoneance dai artiscj. Vie pe serade, dongje de proiezion dal documentari 2026 al sarà presentât il catalic antologjic “A brene vierte 2013-2025”. Ospits di Lorenzo Michelli conservadôr e curadôr de Galarie, il president dai Colonos, Federico Rossi, il critic di art e curadôr dal progjet Angelo Bertani, Michele Bazzana (artist e co curadôr) e l’autôr dal video Paolo Comuzzi. (A.I.) – 20.10.2026