80
Une betoniere e je lade fûr strade pôc dopo lis nûf de matine di vuê dilunc de Strade provinciâl 60, tra Martignà e Pasian di Prât. Dongje di une taronde, il veicul pesant si è ribaltât e al è lât a finî intun cjamp dongje de strade.
Daspò dal ribalton, il vuidadôr al è restât blocât inte cabine, cun lis gjambis blocadis jenfri dai lamarins. A son rivâts sul puest i pompîrs di Udin che a àn lavorât in coordenament cui sanitaris.
L’om al è restât cussient dilunc dut l’intervent. Po dopo al è stât puartât intal ospedâl di Udin. Cuant il socors al è finît, i Vigjii dal fûc a àn metût in sigurece il mieç e la aree dal incident. (a.d.g.) – 12.01.2026
