Il tribunâl di Udin al sarès un dai miôr dal nord Italie, nol fos che al à simpri patît pe mancjance di personâl e no fevelìn dai judiçs, ma dai impleâts che a mandin indenant dusti lis cjartis.
Al mancje il 50% dal personâl aministratîf e il president dal Tribunâl Enzo Truncellito, nol à podût fa altri che da l’alarme pal futûr. L’organic dal Palaç al risulte scuviert par cuasi la metât dai puescj, cundut che tai mês passâts il tribunâl furlan al à rivât e ancje superâts i obietîfs ordenâts dal Pnrr.
Se lis robis e laran indenant cussì, al è clar che dute la machine judiziarie e patirà un ralentament. Par di plui, une vore di int rivade par rinfuarcî tal passât i uficis di udin e je lade vie e no son stâts clamâts altris impleâts. (a.d.g.) – 30.07.2026
