Tant spavent pe frutine cjapade sot a Çarvignan

 Une frutine di nazionalitât americane e je stade tirade sot îr tal dopomisdì di une auto dilunc vie XXIV Maggio a Çarvignan. L’incident al è sucedût sul puint di fier che al passe parsore dal flum Ausse.

Su la fonde de ricostruzion fate dai agjents de Polizie locâl, confermade des ripresis des telecjamaris di control, la frute di vot agns e stave cjaminant cun sô mari cuant che, intun lamp, si è slontanade par traviersâ la strade. Tal moment che e à cirût di tornâ indaûr e je stade pocade de machine.

Par fortune no si è fate nuie di grâf:  la piçule e je stade lassade jessi vuê di matine dal ospedâl indulà che e jere stade ricoverade. (a.d.g.) – 29.07.2026