Stradis plui siguris cu lis strichis che a sunin

E je une impuartante novitât dilunc de Pontebane (Ss13), dal stradon di Lignan (Sr 354) e de tangjenziâl Sud di Udin. La dople linie centrâl che e segnale la proibizion dal sorpàs tra lis dôs cjarezadis e je stade di pôc rifate doprant strichis speciâls che a sunin.

La gnove segnaletiche e je stade fate di Fvg Strade par fâ cressi la sigurece, soredut vie pe gnot e cuant che e je fumate. In curt la stesse segnaletiche e sarà doprade su la Sr 177 di Çumpiel a Sequals. (a.d.g.) – 04.03.2024