Stradis pericolosis: doi incidents stradâi al cricâ dal dì

A Flum Venit, ae jessude di Çumpiel de autostrade A28, la vuidadore di une machine, une femine di 49 agns, e à pierdût il control dal auto, che e je finide cuintri un mûr.
La Sores e à inviât daurman sul puest une machine di emergjence mediche che e à socorût la automobiliste, daspò traspuartade in ospedâl, par fortune cun lesions no gravis. Al è sucedût tor aes 6 di buinore.
Un secont incident, un frontâl, al è sucedût ae stesse ore a Premariâs, dilunc de ex provinciâl 48, tra dôs veturis; une des machinis dopo si è capotade. Dôs lis personis restadis feridis in mût seri.
Sul puest l’ecuipaç di une ambulance e la machine di emergjence mediche, che a àn acompagnât i ferîts tal ospedâl Sante Marie de Misericordie di Udin. (ADG) – 5.10.2022