Scurtissament in centri a Lignan

Ancjemò un episodi violent a Lignan, cheste volte in plene dì. Pôc prime de une dal dopomisdì di vuê, par causis ancjemò in cors di aciertament de bande dai carabinîrs, in viâl Vignesie, inte zone centrâl de localitât balneâr, si è verificât un scurtissament. Dôs lis personis restadis feridis. Chel plui grâf, un zovin di plui o mancul 28 agns, al è stât trasferît in elicotar al ospedâl di Udin: al à patît feridis gravis e profondis, ma nol sarès in pericul di vite. Un secont ferît – al sarès un parint de prime vitime – al è stât compagnât par aciertaments al Pront socors di Tisane: lis sôs cundizions no preocupin. In chestis oris i carabinîrs a son daûr a tirâ su testemoneancis e visionant lis telecjamaris di videocontrol par sclarî la dinamiche dal episodi e individuâ l’agressôr. L’autôr dal scurtissament al sarès un forest che al è a stâ intun comun dal Friûl Ocidentâl. (A.D.G.) – 16.06.2023