Scjafoiaç in regjon: nol è ancjemò record, ma…

Daûr des previsions dal Osmer-Arpa dal F-Vj, bisugne resisti ancjemò par une dì o forsit dôs! Vuê e miercus, in Friûl-Vignesie Julie, al fasarà simpri plui cjalt in maniere progressive, cun aiar stofadiç e cjalt opressîf dapardut, ma cence rivâ ai valôrs record di cierts Istâts precedents. Daspò dai 34-35 grâts di domenie e lunis, vuê si varès di rivâ a 36-37, ma par miercus a son previodûts temporâi – ancje fuarts – che a varessin di moderâ lis temperaduris. Za lunis di sere, in cualchi zone di mont, e no dome, a son stâts sglavins e temporâi, ma par viodi lâ jù di un pâr di grâts la temperadure al covente spietâ joibe. (A.I.) – 18.07.2023