Îr di matine tor des 11 cierts delincuents a àn svuedât une coriere piçule che dentri e jere dute la robe di 12 turiscj australians che intant a jerin ator cu lis lôr bicicletis.
I laris a àn puartât vie dut ce che a àn cjatât dentri dal mieç, parcât pôc lontan dal confin. Cuant che i cicliscj a son tornâts indaûr, a àn cjatade la sorprese brute parcè che ur vevin puartât vie russacs e borsis cun dentri cetante robe di valôr. Magari cussì no, tra le robe puartade vie a jerin ancje lis pirulis par salvâ la vite de gjornaliste Louise Darmody.
Scuviert il fat a son stâts daurman clamâts i carabinîrs de stazion di Cormons che a àn tacât a cirî inte zone cence pierdi timp. Dopo une schirie di ricercjis cence risultât, a cjatâ borsis e robe robade e je stade une cjice poliziot clamade Maggie puartade di un carabinîr par cirî jenfri filârs di vîts e ulîfs. (a.d.g.) – 26.06.2025
