82
Udience vuê a Udin pe violence sessuâl patide di une fantate austriache ai 11 di Avost dal 2022. Il fat al jere sucedût su la splaze di Lignan, sul cricâ dal dì, cuant che un fantat cognossût di pôc al jere lât daûr de zovine e i jere saltât intor sot de Terrazza a Mare, cundut che la vitime e veve dit di no plui voltis.
La fantate e veve rivât a scjampâ e e jere stade judade di altre int par dopo presentâ une denunzie ae Polizie. Imputât un zovin marochin di 26 agns, acusât di violence sessuâl ingriviade. (a.d.g.) – 20.02.2025
