Al costave come se al fos chel normâl, a voltis ancje di plui, ma tes tacis e vignive metude robe cetant plui economiche. Cheste fraude, fate in doi esercizis di Lignan, e je stade scuvierte de Vuardie di finance di Lignan che e à denunziât i doi esercents ae Procure de Republiche di Udin par fraude tal cumierç.
I controi a son partîts te suaze de ativitât par dâ cuintri aes iregolaritâts te vendite di robe di bevi tai locâi de cueste furlane. I militârs a àn secuestrât 160 butiliis dal prodot doprât pe preparazion dal cocktail. Par di plui intun dai doi locâi ancje il scontrin al contave che e jere stade doprade la marche juste, ma il cost al lave su fintremai dai 10 euros, plui dal dopli di ce che si varès di domandâ.
Dulinvie dai controi a son stâts ancje secuestrâts passe 3 mil ogjets che tra chei a jerin vistîts, zugatui altre robe fûr regole. (a.d.g.) – 24-07-2026
