Un om e une femine a son stâts fermâts di une patulie de Polizie locâl a Reane dal Roiâl dilunc di une normâl operazion di control dal teritori.
I doi a jerin za cognossûts aes fuarcis dal ordin par une schirie di reâts leâts a droghe e robariis e cuant che i agjents a àn controlât lis bancjis dâts a àn scuviert che ducj e doi a varessin vût di jessi in cjase indulà che a jeri ai arescj domiciliârs. E je cussì partide la denunzie par evasion.
Il control fat inte machine al à permetût di cjatâ macis di fier e un curtissut, considerâts bogns di ofindi e che i doi no àn savût dî parcè che a fossin dentri de auto, tant che e je stade fate ancje denunzie par puart di armis no justificât.
Par finì, la femine e vuidave, cence vê la patente par vie dal fat che e jere stade sospindude e la machine no veve fat la revision, tant che a son stadis fatis ancje multis une vore pesants. (a.d.g.) – 10.04.2026
