78
Si cjate in cundizions gravis un motociclist di 25 agns sbalçât a tiere de sô moto. Il zovin al jere in siele al so mieç cuant che, par causis in cors di aciertament di bande dai Carabinîrs di Palme, al è lât cuintri une veture dilunc di vie Libertà a Flumisel -Vile Visentine. Dopo l’impat, il fantat al è stât proietât a plui o mancul trente metris di distance dal lûc dal bot.
Il personâl medic infermieristic, intervignût sul puest adun cu lis Vuardiis dal fûc, al à cjapât in cjame il zovin, traspuartât daurman in svol al ospedâl di Cattinara a Triest in cundizions tant gravis. (A.D.G.) – 07.06.2023
