La Polizie di Stât di Udin e à rivât a recuperâ une vore di robe puartade vie dai laris in robariis tai paîs de provincie di Udin. I laris a fasaressin part di une bande di forestîrs che al è za stât individuât dai agjents de Scuadre mobil de Cuesture di Udin che a àn za tornât indaûr un sac di robe ai proprietaris.
Par cierte robe, dut câs si stan ancjemò cirint i proprietaris che a podaressin ancje judâ la Polizie intes investigazions. Par chest la Polizie e à decidût di mostrâ la robe che no je ancjemò tornade indaûr cu la sperance che lis vitimis de robarie ju ricognossin e a clamin la Scuadre mobil al numar 0432.413594 – 595 intai oraris di ufici. (a.d.g.) – 30.04.2025
