Un om di 51 agns, origjinari di Glemone e resident in Lombardie, al è muart vuê di matine par vie dal scuintri frontâl cuintri di une betoniere inte galarie de Mont Fara, dilunc de Sr 251 della Valcellina, tra Montreâl e Andreis. La vitime, che si cjatave par lavôr in regjon, al à di colp invadût la corsie contrarie causant il bot.
Il vuidadôr de betoniere no si è fat nuie e al jere lat sot choc ma al à rivât dut câs a dâ l’alarme in graciis des colonutis Sos che a son dentri de galarie che e je lungje cuatri chilometris e indulà che il telefonin nol funzione. Sul puest a son intervignûts i Vigjii dal fûc, l’elisocors cui i sanitaris dal 118 e la Polizie stradâl che e à fat i rilêfs par sclarî la dinamiche dal scuintri. I tentatîfs dai infermîrs di salvâ l’om a son stâts inutilis.
Une vore griviis lis consecuencis pal trafic, restât blocât dal dut par une vore di oris, cun codis lungjis di veicui e tant discomut pe circolazion. (a.d.g.) – 18.03.2026
