Incident cul tratôr a Fontanefrede, grâf il vuidadôr

Al è stât traspuartât intal ospedâl Sante Marie de Misericordie di Udin l’om che cheste matine al è restât ferît in maniere serie intun incident cul tratôr, sucedût dongje di une abitazion intal teritori comunâl di Fontanefrede. Viodude la gravitât des feridis, pal om pront il socors dal ecuipaç di une ambulance e de machine di emergjence mediche rivadis di Pordenon, al è stât decidût il traspuart in svol cul elisocors. (a.d.g.) – 01.09.23