Popolazion stabile in regjon, in gracie dai forescj

A son 1.194.248 i residents intal F-Vj ai 31 di Dicembar dal 2022, ven a stâi 399 mancul dal an prime, daûr dai dâts dal Istat. Il 70% di lôr al vîf intes provinciis di Udin e di Pordenon. Lis gnovis buinis a son che a son nassûts 8 fruts in plui a pet dal 2021 e che il tas di mortalitât si è sbassât dal 13,8 al 13,3 par mîl.

Fevelant de etât medie, Pordenon e je la provincie plui zovine, intant che chê plui vecje e je Triest. I forescj a son 116 mil, pâr al 10% de popolazion, che a rivin soredut de Romanie, Albanie e Bangladesh. La mont e patìs il sbassament plui fuart dai residents. Il 30% de popolazion e vîf intai comuns di Triest, Udin e Pordenon, il 23% intai comuns tra i 5 e i 10 mil residents. (a.d.g.) – 13.05.2024