Il ricuart di Giulia te Universitât dal Friûl

E je dedicade a Giulia Cecchettin la opare titulade “Giulia”, dal artist e ativist Gianluca Costantini, che la associazion culturâl “vicino/lontano” e à donât ae Universitât dal Friûl. E je une aghe fuarte e aghe tente di colôr ros, che e ritrai il profîl de muse di Giulia. La opare, che e misure 53 par 63 centimetris, e je stade fate cu la Stamparie di art “Albicocco” di Udin e esponude dilunc dal festival “vicino/lontano” dal 2024. Cumò e sarà colocade inte sale studi di Palaç Antonini, dulà che, daûr dal president di vicino/lontano, Paola Colombo – “si augurìn che e puedi sburtâ ducj i students a rifleti su lis consecuencis dramatichis de violence di gjenar e costituî cussì une clamade costante par cjatâ fûr il mût di meti fin a cheste plaie sociâl e culturâl”. (A.I.) – 15.04.2025