Il Comun di Udin al vûl sierâ in maniere definitive il Centri di acet pai minôrs forescj no acompagnâts di viâl XXIII Marzo a Udin. La decision e je cjapade, e reste di definî la modalitât. Lu à fat savê vuê il sindic Alberto Felice De Toni, dopo lis situazions di discomut che a àn cjapât i ospits.
“O puartarai ae assemblee nazionâl de ANCI, ai 24 e ai 25 di Otubar, il teme dai minôrs forescj no acompagnâts, par che la vôs di nô sindics e vegni cjapade in considerazion intes agjendis nazionâls” al à dit il prin citadin, cjapant at dal fat che la cooperative Aedis Onlus che si interesse dal acet dai minôrs no acompagnâts inte struture di viâl XXIII Marzo no à proviodût dentri dai 25 di Setembar al trasferiment di ducj i ospits e al disvuedament de struture. De Toni al pense che la cooperative e vedi dimostrât di no jessi in stât di gjestî la struture e i minôrs che si cjatin là. (a.d.g.) – 26.09.23
