54
Lis vuacadis di un cjanut, colât intune roie dongje vie Prasecco a Pordenon, a àn riclamât inte matine sul tart di vuê la atenzion di chei che a passavin par li, che a àn telefonât daurman al numar unic dal socors. Alertade cussì la sale operative dai Vigjii dal fûc di Pordenon, che e à mandât sul puest une scuadre.
I pompîrs a àn daurman cjatât la puare besteute aromai cuasi cence fuarcis che no rivave a saltâ fûr de aghe. Doi pompîrs a àn rivât a lâ jù te roie e a cjapâlu, par dopo lassâlu intes mans dai volontaris dal socors veterinari. Pôc dopo al è rivât il proprietari dal cjanut che lu stave cirint e al à cussì podût tornâ a zontâsi cul so amì a cuatri çatis. (a.d.g.) – 09.06.2025
