Fûc intun capanon a Prate vie pe gnot

Pôre a Prate vie pe gnot di vuê, cuant che lis flamis a son sclopadis intal capanon de aziende Sattec Dbs Gomma tor des dôs.

L’alarme dât daurman al à fat rivâ sul puest carabinîrs e sîs scuadris Vigjii dal fûc che a àn lavorât par dute la gnot par blocâ lis flamis, distudâ il fûc in maniere che i dams no podessin deventâ ancjemò plui grancj e meti dut in sigurece.

Su la fonde dai prins aciertaments, e sarès di tirâ vie la ipotesi de origjin dolose dal fûc. A son stât fiscâts trê machinaris e une part dal cuviert. (a.d.g.) – 20.10.2026