Fermade a Udin cun trê curtìs in auto

Intai dîs passâts, personâl dal repart Viabilitât e Pront Intervent de Polizie Locâl di Udin, impegnât in controi di polizie stradâl inte zone di borc Stazion, al à notât un auto che ae viste dai agjents al veve provât di cambiâ direzion, cul intindiment palês di eludi un eventuâl control, ma cence rivâ par vie dal trafic.
I agjents a àn fermât la vuidadore, une citadine slovene di 31 agns, cjatant trê curtìs che di chei nol jere in stât di justificâ il possès. Lis armis a son stadis secuestradis, intant che la femine e je stade denunziade par puart abusîf di ogjets bogns di ofindi e par puart abusîf di armis. (A.D.G.) – 19.01.2023