A son stâts domandâts in dut plui di 3 milions e 700 mil euros come risarciment pe muart di di Bianca Doros, Patrizia Cormos e Cristian Molnar, i trê zovins puartâts vie dal Nadison in plene ai 31 di mai dal an passât, sot dal Puint Roman a Premariâs. Il risarciment al è stât domandât inte costituzion di part civîl dal avocat Maurizio Stefanizzi, legâl des fameis dai zovins rumens, intal procès par omicidi colpôs a caric dal assegnât de Sores, che la prime udience e je stade metude ai 17 di Novembar.
L’avocat Stefanizzi al à ancje visât che la setemane prossime si costituirà part civîl ancje tal procès a caric dai trê Vigjii dal fûc imputâts pal stes reât, che il lôr procès al tacarà ai 2 di Dicembar.
Di la dal assegnât de Sores, difindût dal avocat Maurizio Miculan, e dai pompîrs difindûts dai avocats Stefano Buonocore e Alfonso Mangoni, Stefanizzi al à clamât in cause ancje il ministeri dai Interni e le Arcs (Azienda regionale di coordinamento per la salute): “Plui indenant – al à spleât il legâl – o domandarai ai judiçs di clamâju in judizi tant che responsabii civîi, parcè che a rispuindi adun cui imputâts”. (a.d.g.) – 11.09.2025
