Doi frutats a ruvinin une coriere, dams par sîs mil euros

A son di cuasi sîs mil euros i dams fats di doi minôrs di etât dentri di une coriere di linie extraurbane in servizi tal toc tra Glemone e Tumieç.

La polizie locâl de Comunitât de Mont de Cjargne e je rivade a cjatâju dopo lis investigazions: si trate di un frutat di 15 agns e di un so amì di 17 che a son a stâ tai Comuns de concje di Tumieç.

I doi a saressin i responsabii dai dams e di vê sporcjât dentri di un autobus a doi plans: no dome a àn scrit su lis sentis, ma a àn spacât cetancj braçâi des sentis, lis protezions di plastiche di une sente e di vê tirât vie cinc metris di moquette de cjapelere. Par cause dai dams il mieç al à scugnût jessi metût in bande par tancj dîs. (a.d.g.) – 09.04.2025