Doi zovins a son stâts scuvierts intant che a coltivavin marihuana intune boschete a Vile di Cjargne.
I agjents de Polizie locâl de Comunitât de mont de Cjargne, che a vevin viodût scovace bandonade, a son lats dentri di une aree dongje dal Tiliment, indulà che a àn cjatât i doi fantats intant che si cjapavin cure di une culture dentri di une barache di len. La cubie, un maiôr di etât e un minôr, za cognossûts par fats di droghe, e à cirût di butâ vie cierts ogjets e di scjampâ, ma la vegjetazion une vore fisse e la sveltece dai agjents ju àn blocâts.
Dongje al puest i agjents a àn scuviert ancje struments doprâts par coltivâ e un belancin. La percuisizion fate daspò te cjase dal plui grant e à permetût di scuvierzi semence di marihuana, hashish e robe doprade par consumâ droghis. Ducj i doi i zovins a son stâts denunziâts pe produzion di droghe e pe detenzion di ogjets bogns di ofindi. (a.d.g.) – 06.06.25
