La Polizie e i carabinîrs di Udin, vie pe sere di îr, te suaze dai controi straordenaris decidûts dal Cuestôr a àn fat dute une schirie di verifichis dentri di locâi publics e cu la identificazion di 206 personis. Ae fin a son stâts denunziâts une citadine taliane che e veve violât la improibizion di tornâ a Udin e al è stât secuestrât un toc di droghe, forsit hashish pesant 100 grams, cjatât dentri di un sterp.
Tai dîs prime, dilunc dai controi fats tal parc Martiri delle Foibe e in viâl Ungheria, i agjents de Scuadre mobile di Udin a vevin cjatât un om che al fevelave cuntune altre persone intant che si scambiavin alc che al veve a pene tirât sù alc dal teren. Si tratave di un pakistan di 31 agns cence cjase che intor al veve doi tocs di hashish pâr a 74 grams, 5 dosis di cocaine, un belancin di precision e 155 euros in contants.
Arestât e puartât in preson, il pakistan al è stât daspò puartât tal Cpr di Gardiscje, parcè che e je stade revocade la so domande di protezion internazionâl, in spiete di jessi mandât in Pakistan. (a.d.g.) – 28.08.2025
