Cjatade cjoche ae vuide dopo un incident

E vuidave sot dal efiet dal alcul. Une femine di 60 agns, resident a Muçane al Turgnan, e je stade denunziade da Carabinîrs de Radiomobile di Tisane par vuide in stât di sturniment.

Îr dopomisdì, la automobiliste e jere restade cjapade intun incident frontâl a Mortean, in maniere fortunade cence ferîts grâfs. Sometude a prove par controlâ se e veve bevût, e je risultade vê un nivel alcolemic intal sanc cuatri voltis di là dal limit permetût. Di là de denunzie, i è stade ritirade la patente. (A.D.G.) – 26.01.2023