Doi citadins afghans a son stâts arestâts vie zornade di domenie passade de Polizie di Stât di Udin in doi diferents intervents.
Il prin al è stât fat tal dopomisdì sul tart in vie Cividale, indulà che un om jessût di pôc de ex caserme Cavarzerani a pene che al à viodût la patulie al à cirût di scjampâ e intant che i agjents i stavin daûr al à butât vie un pacut cun dentri 53 grams di cocaine. I agjents a à recuperade la droghe e arestât sul fat il spaçadôr.
Cualchi ore plui tart, in vie Sabbadini, une altre patulie e à cjatât un om di 27 agns che al stave passant parsore dal mûr di cente dal ex frigorifar, un lûc bandonat di timp e indulà che si vent une vore. Ancje in chest câs i agjents a àn rivât a blocâ l’afghan che al è stât percuisît e intor al veve un pacut cun 53 grams simpri di cocaine. Ducj e doi a son stât puartats drets in preson. (a.d.g.) – 20.10.2026
