I suspiets scjadenâts di un va e ven intun apartament di Pordenon a àn permetût di scuvierzi une ativitât di spaç dentri di une abitazion. Dilunc di une vuaite, i agjents a àn viodût un zovin che al lave te rimesse di un condomini. Pôc dopo, dentri di une cantine a son stâts cjatâts doi zovins intant che a preparavin sacuts cun dentri marihuana.
La percuisizion e à permetût di secuestrâ 155 grams di cocaine, 55 grams di marihuana, 2.200 euros e materiâl par preparâ lis dosis. I trê zovins a àn dât cuintri ai agjents e a son stâts arestâts cu la acuse di detenzion di droghe ai fins dal spaç e resistence a uficiâl public.
Intune operazion leade a chê a pene contade, un altri zovin al è stât arestât dopo che intune seconde percuisizion a jerin stâts cjatâts altris 15 grams di cocaine e une vore di marihuana (20 chilos) e 420 euros. (a.d.g.) – 04.02.2025