Carabinîr degradât parcè che positîf a alcul e cocaine, il Tar al conferme la sanzion

I controi fats dopo che al veve vût un incident a jerin stâts une vore clârs: al jere positîf ae cocaine e al veve un tas di 1,37 grams di alcul par litri tal sanc. Par chest motîf un carabinîr che al lavorave inte Compagnie di Tisane al jere stât degradât e butât fûr de Arme. La sanzion e je dut câs stade confermade ancje dal Tar dal Friûl-Vignesie Julie, indulà che il militâr al veve fat ricors. (a.d.g.) – 16.04.2024