Becade di âf fatâl par un agricultôr di Tarcint

Al è muart magari cussì no intal dopomisdì sul tart di îr intal repart di Terapie intensive dal ospedâl di Udin l’imprenditôr agricul Damiano Job, 41 agns, che inte campagne di Tarcint, dulà che al jere daûr a fâ lavôrs agricui, di matine al jere stât pont di une âf acusant daurman un mâl.

Une parinte e veve clamât i socors e a jerin daurman rivâts sul puest une ambulance di Tarcint e l’elisocors. Pôc dopo de rivade de ambulance, l’om al veve patît un arest cardiocircolatori, ma cu lis manovris di rianimazion il so cûr al jere tornât a bati. (A.D.G.) – 23.06.2023