Barufe tra frutats a Çarvignan, scurtissât un di 17 agns

Une barufe tra minôrs no compagnâts e je lade a finî cul scurtissament di un zovin iranian di 17 agns.

Il fat al è sucedût îr sere inte struture di acet de Oikos a Çarvignan. Par causis ancjemò di sclarî ae je tacade une discussion tra la vitime e un altri ospit, un egjizian di 15 agns che, a un ciert pont, al à tirât fûr un curtis e al à cjapât l’iranian tal braç. Par fortune la feride e no jere brute, ma il zovin al è stât puartat tal ospedâl di Udin par jessi curât. Sul fat a stan investigant i carabinîrs di Çarvignan. (a.d.g.) – 03.07.2025