Sara Comand, 35 agns, e je stade arestade dai carabinîrs îr sot sere daspò vê scurtissât pôc dopo des nûf il so ex compagn di 44 agns, ae fin di une grande barufe a Durlasse di Teôr.
Tra i doi e sarès sclopade une barufe dentri de abitazion de femine e al culmin la femine e varès cjapât sù un curtìs tirant almancul trê scurtissadis cuintri dal om che al è rivât a lâ fûr de cjase cirint jutori in vie Monticoli.
Il berghelâ disperât dal ferît al è stât scoltât di Nicola Vida e di altris residents che a àn dât daurman l’alarme e domandât socors, cirint di blocâ ancje la pierdite di sanc des feridis.
Sul puest a son rivâts sanitaris e carabinîrs di Tisane. Il ferît al è stâts stabilizât e puartat di corse tal ospedâl di Udin e, cundut des feridis soredut inte panze, nol sarès in pericul di vite.
Intant i carabinîrs a àn puartât Comand te caserme indulà che e je restade par dute la gnot. Vuê di matine la femine e je stade compagnade dentri cjase par cjapâ sù cualchi ogjet personâl e cumò e je in stât di arest cu la acuse di omicidi tentât. (a.d.g.) – 30.07.2026
