Spazis gnûfs pes curis oncologjichis

A son ambients plui grancj par fâ lis terapiis oncologjichis e spazis plui funzionâi pes visitis.

L’ospedâl di Tumieç al à rinovât l’acet dai malâts dal Friûl dal Alt cu lis stanziis gnovis de Struture complesse di oncologjie dal presidi di S. Denêl – Tumieç (une volte ju clamavin ospedâi, ndr), screâts vuê di buinore ae presince dal assessôr regjonâl ae Salût Riccardo Riccardi.

L’intervent al ponte a miorâ la cualitât des curis, metint a disposizion ambients dedicâts ae ativitât ambulatoriâl e ae soministrazion des medisinis. (a.d.g.) – 19.10.2026