Prime esibizion de Fanfare de Julia inte Cjamare dai deputâts

E à sunât pe prime volte a Rome vuê di matine, inte Cjamare dai deputâts a Montecitorio, la Fanfare de Brigade alpine Julia, inte suaze de iniziative “Montecitorio a porte aperte”. Direzude di Calogero Scibetta, la fanfare e à proponût sîs esibizions par ogni grup di visitadôrs rivât.

Al event, inmaneât in colaborazion cun Eraple (Ente regionale Acli per i problemi dei lavoratori emigrati) rapresentade inte capitâl dal diretôr Cesare Costantini, cul jutori de Regjon Friûl-Vignesie Julie, a jerin presints ancje il vicepresident dal Consei regjonâl Francesco Russo e il conseîr regjonâl Elia Miani. (a.d.g.) – 08.04.24